對於單身男士嚟講，想食住家菜唔係易事，想溝到純情住家菜就更難。呢間位於日本橫濱嘅人妻出張風俗店，就係睇準男士們嘅需要，為想食住家菜嘅男士，提供上門服務，讓佢哋一嘗人妻所炮製嘅住家菜之餘，仲可以一親香澤。

入得廚房

據呢間人妻風俗店嘅負責人前田先生表示，由於日本有不少人妻風俗店，為咗吸引客人，不少風俗店更割喉式地減價，以致利潤大為降低。前田先生就話：「既然如此，倒不如推出另類嘅玩法，吸引多啲玩家支持，反而有助提升競爭力。」

就喺咁嘅情況下，呢間風俗店便推出「人妻廚房」服務。客人從風俗店揀選好心儀嘅人妻後，到時人妻便會上門，為其炮製幾味兼提供周到嘅床上服務。

前田先生又話：「為免人妻炮製出嚟嘅住家菜唔合客人口味，我哋會提醒客人列明想食菜式，好讓人妻能夠事先準備。不說不知，每位人妻都接受過為期一個月嘅廚藝培訓，讓佢哋入得廚房，更上得大床！」

窩心服務

憑住煮得一手好餸，前田先生仍然覺得未夠吸引，若要客人玩得盡興，人妻喺煮番幾味嘅同時，仲要識得搞吓氣氛，例如聆聽客人傾訴心事、利用服裝及舞蹈嚟挑起男士們嘅情緒等，讓客人感覺窩心。

曾經試過呢個服務嘅玩家野比先生認為：「一般的人妻風俗孃嚟到，都會急不及待挑起客人嘅情慾，解決完客人嘅生理需要後，便會馬上走人，因此缺乏一種住家味，但呢個『人妻廚房』服務則完全冇呢個問題。」

由於長期單身居住關係，故此野比先生一直希望體驗家庭溫暖，是以對成熟女性有濃厚嘅興趣。野比先生嘅朋友得知佢嘅需要，便推介呢間風俗店畀佢。「初時以為呢間風俗店，同其他人妻風俗店並無分別，點知朋友試過『人妻廚房』服務後，大讚好Feel，於是便打電話去預約。上到佢哋個網站，揀選咗心儀人妻後，發覺對方要求我填寫有關對餸菜口味嘅資料，感覺相當體貼。」野比先生笑道。

邊煮邊玩

揀選好心水人妻後，野比先生便安坐家中，等待人妻到來。等咗一陣，便有一個打扮樸素嘅人妻上門。雖然樣貌同網上所見稍有差別，但呢種樸素嘅風情，更讓野比先生有親切嘅感覺。

對方將材料放好後，便喺野比先生面前寬衣解帶，剝光豬後再穿上圍裙，然後喺廚房內煮飯仔，引得野比先生流晒口水。「我身貼身咁企喺佢後面，邊大肆抽水，邊欣賞佢為我炮製晚餐，感覺非常溫馨。」野比先生笑道。玩咗一陣，對方突然擰轉身，主動送上香吻，並解除野比先生身上束縛，喺廚房就地激戰起嚟，冇幾耐野比先生便告發射升空。「呢個時候晚飯啱啱煮好，估唔到佢床技出色之餘，廚藝亦相當有水準，食到我舔舔脷！」雖然呢種玩法過癮，但收費卻有啲嚇人，事關食材費用全數由客人支付外，四小時嘅「人妻廚房」服務，全個套餐便要八萬日圓，折合約為六千四百港元，間中試一次都還可以，否則要好捨得先會玩！