為適合美國四仔迷口味，九成九脫星都會主動做隆胸手術取悅觀眾，以增加本錢，即使上圍本身已屬乳牛級，都會考慮僭建，不過做完隆胸手術後往往會令胸部線條變得唔自然，而且完全違反地心吸力，毫無美感可言。

導致寒背

無疑隆胸係四仔脫星嘅指定動作，但現年二十五歲嘅Jenna Nickol，就係圈中少有不靠僭建嘅波霸脫星，阿妹本身擁有36D勁爆上圍，再加上一條纖腰，甫出道，唔使玩混戰都殺盡萬千影迷。

一對天然巨乳雖然令Jenna名利雙收，不過亦為佢製造唔少煩惱，阿妹話：「我非常明白，之所以有今日成就，因為有對天然巨乳撐住，影迷甚至替我改花名叫極級乳牛，但有苦自己知，有咁大，自然就有咁上下重量，完全影響我日常生活，最明顯係搞到我寒背，我亦觀察到，年紀漸大，胸部亦有下垂現象，相比起十八歲嗰陣，依家已經冇咁堅挺，我怕未到三十歲，乳房已經墮到落肚臍！」嘩！阿妺咁講似乎誇張啲喎！

身不由己

Jenna為免將來被四仔迷封為「墮奶王后」，於是考慮接受縮胸手術。不過人在江湖，身不由己，邊有話做就做吖！除咗四仔商，導演以及一班四仔迷都反對阿妹縮胸，而阿妹亦擔心手術失敗，到時邊大邊細仲弊傢伙！

Jenna話：「我真係好想做縮胸手術，但相信都要喺我引退之後先可以進行。另外，我好想同天下間嘅女性講解乳房過大，對身體造成嘅負面影響。」之不過究竟有幾多人會聽Jenna支笛去縮胸，我諗就一對手都數得晒，但阿妹就誓言永不放棄，佢話：「既然知道巨乳對身體有不良影響，作為過來人，我好應該同大家分享自己嘅感受，我相信有朝一日佢哋會明白！」Jenna真係用心良苦囉！

Jenna Nickol's Profile

年齡：25歲

三圍：36D-25-34

身高：5呎4吋