有朋友問將來嫁得好唔好，有冇樣睇？其實女士要睇將來嘅老公好唔好，主要係睇個鼻，要直、高、挺先為之好，除此之外，原來睇吓自己眼尾位置嘅奸門部位亦可以知道端倪，如果魚尾紋太多或凹陷就唔掂，相反飽滿就唔使擔憂。
眼尾奸門位置，在十二宮中稱為妻妾宮，男就睇妻妾，女嘅當然係睇老公同上司啦，所以如果妻妾宮嘅位置有紋侵痣破，咁就表示呢個人喺感情上會十分複雜，有時複雜到自己都駕馭唔到；如果冇紋侵痣破，但比較凹陷，夫妻感情上亦都係嗌交多過食飯。
如果妻妾宮飽滿，而且有少少隆起，咁就表示能夠嫁得好老公，而且夫妻感情好到不得了，連性生活都十分美滿。除咗夫妻生活偷快之外，原來工作上男上司都會同你合作得好有默契，因而深得對方信賴，所以奸門微隆，對女性嚟講絕對係大吉之相。