要數近年四仔界最具潛質脫星，Valentina Vaugh絕對係其中之一，年僅二十二歲嘅佢，兩年前加入四仔界，初出道時，佢只參演一連串專為新人而設嘅四仔系列，之後阿妹憑住出色嘅床技同索爆嘅身材，得到著名四仔導演垂青，於是好快就由大茄角色變成女主角。

胸襟廣闊

Valentina年紀輕輕，出道無耐就成功上位，不過佢並無因此而恃紅生驕，反而更落力演出，由單打獨鬥，以至以一敵七都難佢唔到，表現神態自若，至今阿妹已參演過逾五十部作品，成績驕人之餘，片約更源源不絕，喺今時今日嘅經濟氣氛下，阿妹都算架勢堂。

不過阿妹有今日嘅成就，都要多得佢嗰位同行男友，事關未入行前，Valentina係一位脫衣舞孃，男友見佢每晚跳到身水身汗，又要畀麻甩佬抽水，於是就引薦阿妹入行。容得下女友同其他男優肉搏，呢種廣闊胸襟唔係個個男人都有o架！而Valentina男友亦希望以情侶檔拍住上，儲夠錢之後就一齊引退，離開美國過新生活。

難忍壓力

可惜事與願違，Valentina男友嘅事業一直停滯不前，相反阿妹就如日中天，眼見Valentina事業有成，本來值得高興，但傳媒就經常攞二人嘅知名度及收入嚟比較，令到佢哋承受好大壓力，結果搞到男友決定要暫別四仔界，提早引退。外界認為阿妹喺呢次事件上必定會飛起男友，但阿妹就強烈否認：「我對男友會不離不棄，如果當初唔係有佢，我唔會有今日嘅成就，我必定會盡我所能支持男友，希望大家畀啲空間我哋！」

Valentina Vaugh's Profile

年齡：22歲

三圍：34C-24-34

身高：5呎7吋