加拿大小鎮有一間酒吧，內裏掛滿男女裝內衣褲，因而成為特色，每晚都吸引唔少客人嚟飲酒，甚至有客人長途跋涉都要嚟酒吧觀光一下。據酒吧老闆表示，嗰啲內衣褲唔係買番嚟做裝飾嘅，而係佢同客人喺酒吧內打桌球，贏番嚟嘅戰利品。原來老闆係個桌球高手，每當有客人挑戰佢打桌球時，佢都會開出賭注，但唔係賭錢，而係內衣褲，就係咁，酒吧內掛滿各式各樣嘅男女裝內衣褲。
老闆又表示，曾有唔少客人主動向佢要求購買掛喺牆上嘅內衣褲，但佢都一一拒絕，堅持只供觀賞，唔會售賣。老闆仲話，亦有一啲好耐冇聞過「男人味」嘅婦人嚟到酒吧邊飲酒邊近距離欣賞男裝內褲，之後就會好心滿意足咁離開。
注意事項：酒吧內嘅內衣褲只供欣賞，不可觸摸或弄污，如有損毀，老闆會要求賠償。