鷹鼻與拱鼻，經常畀人搞亂，但其實兩者係有分別嘅，雖然大家喺鼻樑位，都會有小小拱起，即係大家成日講嘅鼻樑有節，但分別就喺個鼻頭。拱鼻嘅鼻頭部分，同其他正常嘅鼻一樣，但鷹鼻嘅鼻頭下垂而尖小，側望如鷹嘴，故稱為鷹嘴鼻。
擁有鷹嘴鼻嘅男人，性格極端，做事積極進取，但又懂得享受生活，做事有時為求成功而不計後果，甚至不擇手段，係一個十分可怕嘅競爭對手，但如果同佢相交，佢又會為朋友兩脇插刀，義不容辭，對愛情亦一樣，所以不時令女伴難以捉摸。
而鷹嘴鼻嘅朋友，由於鼻頭管財，而佢鼻頭下垂兼尖細，所以一生財運不俗，但要做一啲偏門嘅行業。所謂偏門行業，並唔係要佢哋作奸犯科，而係做一啲收入唔穩定或者錢銀同名聲會大上大落嘅工作，咁就可以發揮所長，輕易取得成功。