早排同幾個老友去元朗食消夜，經過西菁街附近，發現一間性商店嘅招牌仍然着燈，我心諗已經十二點幾，成條街人影都冇個，加上係樓上舖，邊會仲有生意o架？點知一上到去，竟然仲見到有成七、八個客人喺度買緊嘢。

種類繁多

我喺店內行咗個圈，發現產品確實非常多元化，對正門口位有一個大貨架，上面擺放咗好多日本知名品牌嘅男用自慰器，款式應有盡有，價錢由十幾蚊起，相當抵買。除此之外，我又發現呢度嘅震蛋、震棒類產品都非常多，部分更設有試玩服務，咁就唔使擔心買錯嘢啦！

眼罩、皮手銬等另類玩意，都可以喺呢度搵到。	店內產品如羊眼圈、按摩棒等，多數為日本知名品牌，質素有保證。	內有數十款特色安全套以供選擇。

大家亦可以喺店內搵到唔少另類玩意，好似後花園刺激器、小弟弟增大器，以及備有震動功能嘅羊眼圈等。另一方面，安全套款式更多達數十款，可以一盒套裝咁買，亦可以選擇單個Dom Dom咁買，仲有皮手銬、眼罩等皮革產品，唔使一百蚊就有交易，總之講得出嘅產品都可以喺呢度搵到。而價錢方面亦非常大眾化，部分更有折扣優惠添！

愈夜愈旺

我問過老闆，原來呢間舖由夜晚八點先開門營業，所以營業時間相對較夜，好似採訪當晚咁，已經凌晨十二點幾都仲有幾對情侶嚟買嘢。佢哋向我表示，外面好多性商店都好早閂門，對於佢哋呢啲返夜班嘅打工仔嚟講，實在非常之唔方便，好彩呢間收得夜，啱晒佢哋呢班夜鬼。下次大家喺元朗食完糖水，不妨上去行個圈，話唔定會搵到心頭好o架！

查詢：2944 0699

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。