解釋：年年都有AV女優宣布引退，亦有女優宣布復出，對於呢班復出AV女優，AV商稱佢哋呢種行為做「AV復活」。所謂「AV復活」就係指一啲原先引退咗AV女優，再次出山拍AV。

對於AV迷嚟講，見到AV女優復出可謂喜憂參半。喜係知名女優復出，大家可以重溫當年佢喺床上功架及性感無比演出，而憂係不少女優復出後，發展未必盡如人意，更可能從此消失於江湖，好似當年紅極一時AV天后松島楓咁，就係一個好例子。

喺引退前，松島楓憑住出眾身材，及為男友犧牲精神（當年有傳佢為咗成就男友導演夢，至會投身AV界），深受AV迷歡迎。點知佢引退咗一年零三個月後，因為婚姻失敗，喺二○○八年七月宣布復出。不過復出後松島楓不但身材走樣，人氣亦不復當年，結果落得喺AV界浮沉下場。