大膽開放

阿凡就係其中一位受害者，佢平時鍾意玩QQ，同女網友聊天。有一次，佢結識咗一個居住喺深圳嘅女子。阿凡話：「初時，我同佢只係無聊閒談一下，但後來發覺佢講嘅話題愈嚟愈大膽、愈嚟愈開放，除咗問我有冇睇鹹片之外，仲問我有冇性經驗，而佢更向我描述一啲交歡情節，大膽程度令我咋舌。最後佢相約我到深圳一間酒店見面，既然女方咁主動，心諗我應該都冇蝕底啫，咪應承囉。」

表現主動

當日阿凡懷着興奮心情準時赴約，去到深圳一間酒店。佢話：「當我去到酒店時，發現對方相當年輕，大約十八、九歲。之後，上到房，佢已經很主動，上下夾擊我，我嘅慾火就咁被撻着晒，經過一輪激戰後，佢先行離開。」

事後，阿凡本來想喺網上討論區作賽後報告，點知卻發現有人將佢同女子當日喺酒店嘅激戰短片上載，並且要收費下載，阿凡當堂嚇呆咗，佢話：「當我睇到之後，先知道自己成為四仔男主角，樣貌及下半身都清晰可見，相信嗰日有人一早喺酒店房內安裝鏡頭偷拍，假如呢段片畀我嘅屋企人睇到就麻煩啦！」事後阿凡不斷想找對方當面對質，奈何之後無法聯絡得上，真係後悔都冇用，所以話世上邊有免費午餐！