故事講述電腦與現實世界嘅關係密不可分，仲開始出現模糊不清嘅情況，呢個時候就有人諗住用電腦征服世界，而第一步就係製造識得魔法嘅少女，再將其實體化衝出現實世界搞破懷。呢個時候，玩家控制嘅男主角宇崎，就發現青梅竹馬嘅女同學阿零，被決心守護世界嘅電腦少女科素選為魔法使者打擊作惡嘅魔法少女，於是平凡嘅宇崎就決定為世界和平而努力，同阿零一齊並肩作戰！

玩法方面，玩家要控制宇崎同阿零於城市內四圍聯絡其他正義魔法少女，揀指令同佢哋溝通，順便增進感情，為日後同佢哋發生肉體關係而鋪路。同一時間，四圍都會有邪派魔法少女，呢個時候，玩家就要控制正義少女同佢哋打過，同樣係揀指令出招鬥快打倒對方。值得一提嘅係，戰鬥方式雖然係指令式，但出招畫面相當華麗，再加上火花四射嘅特效以及逼力十足嘅氣勢，令本作戰鬥場面相當可觀！此外，正邪魔法少女個個都青春美麗，身材惹火，只要大家同正派少女畀心機溝通，就可以同佢哋發生關係，至於邪派少女，大家出力啲打擊，就可以令佢哋心悅誠服，甘心為男主角奉獻肉體，交歡畫面同樣精細又精彩，正呀！

遊戲名稱：《Negative Zero》

系統支援：Windows XP/Vista

預定發售日：8月28日

預定發售價：¥8,800（約HK$715）b:Max