打開報紙經常睇到恐怖襲擊嘅新聞，真係行出街都一步一驚心。唔知係咪呢啲新聞聽得多嘅關係，搞到今次片中嘅村民，都擔心有朝一日會受到恐怖襲擊，結果稍有異動，個個都變成驚弓之鳥！
1.一開始，就見到一條非常平靜嘅村落，每個村民都好享受寧靜而安逸嘅環境。
2.點知突然傳來一陣巨響，即時嚇到街上嘅市民雞飛狗走，以為發生恐怖襲擊！
3.一眾市民發晒癲咁搵地方匿，及後佢哋發現原來巨響係從一間屋度傳出，究竟發生何事？
4.有膽大嘅市民諗住入去求證之際，屋內再次發出巨響，牆身更冒出大量濃煙。
5.市民見到間屋冒煙，再次引起恐慌，以為有人放炸彈，即刻打電話報警！
6.呢個時候，屋主施施然行出嚟，原來佢只係鑿牆裝窗，點估到會引嚟咁大誤會呢？