掩飾作用

據一位喺休閒中心做咗十幾年嘅陳總解釋，佢哋唔提供邪足服務有三個原因，第一，可以掛羊頭賣狗肉，陳總話：「我哋間休閒中心表面係正經場，實質係掛羊頭賣狗肉，暗地裏提供邪骨服務，於是我哋以正經足浴服務作掩飾，就係咁，所以我哋嚴禁變邪足。」

第二，要嚟吸納新血，陳總話：「做足浴同做按摩嘅囡囡雖然都係叫做技師，但佢哋喺公司嘅地位同收入就好明顯唔同，可以話係天淵之別。但好多女仔啱啱入行，打死都唔肯做邪骨，於是公司就會先安排佢哋做足浴，等佢哋捱吓苦頭。之後，佢哋會漸漸發覺做邪骨搵錢更多，喺金錢誘惑之下，就會主動提出轉做邪骨技師，所以喺班女仔做緊足浴技師期間，公司係唔畀佢哋同客人有越軌行為，直至轉做邪骨為止。」

避免封舖

第三，就係方便向外交代，陳總話：「休閒中心表面做正經按摩，客人男女老少都有，就算畀有關當局發現邪骨活動，我哋都可以賴係技師私下違規，只要拉人就算，唔使封舖，但如果同時提供邪足同邪骨服務嘅話，想唔畀人封舖都難。」聽完陳總嘅一番話後，大家唔好再向休閒中心嘅足浴妹埋手啦，保證冇運行。