天氣炎熱，為討客人歡心，好多鳳姐都各出奇謀，例如二十四小時開行冷氣，保持室內涼爽，甚至，有鳳姐準備埋凍飲同凍毛巾，等客人一入嚟就送上一杯凍飲，然後再用條凍毛巾幫客人抹面，當堂暑氣全消。
我皮哥問過其中一個鳳姐，點解服務咁體貼？佢就話：「無辦法啦！唔服侍好啲，邊吸引到客人嚟幫襯啫！加上啲客人上到嚟成身臭汗，梗係要即刻幫佢降溫啦，飲杯凍飲同用凍毛巾抹面就最好不過。而我咁好服侍，客人自然畀貼士都會多啲啦！」
咁又係呀，上到鳳竇，唔止有冷氣歎，仲有埋凍飲同凍毛巾抹面，真係最佳消暑方法，之後再沖涼洗白白，出嚟成身爽晒，入正題嗰陣，表現都特別勇猛啦！鳳姐咁識做，客人醒多兩條嘢做小費都值得啦！
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk