俄羅斯近年有不少暴發戶，只因商機處處，只要有腦，自然錢財滾滾。好似喺莫斯科就有間騎呢公司，專幫客人製造假證據。呢間公司嘅負責人只有兩至三個人，每當接到客人嘅Call，佢哋就會立即安排臨記出動，為客人製造假證據，例如臨記會假扮客人嘅同事，打畀客人嘅老婆，話佢老公因為臨時要開一個好重要嘅會議，所以會遲啲先返屋企，實情係客人去咗同情婦幽會。
據負責人表示，所有臨記都接受過演技訓練，故演戲相當專業，有需要時更會穿上唔同嘅制服出場，務求似模似樣。
負責人又話，唔好以為客人多數都係男人，其實女客人都佔大多數，通常佢哋都係背夫偷食，同情夫到外地瘋狂。
除此之外，呢間公司亦會幫客人偽造假文件，完全係以講大話賺大錢！
收 費： US$1,000起，按大話難度而定。
注意事項： 如客人被踢爆講大話，公司一概不負責，且不會退回收費。