除咗鼻翼大之外，如果連鼻頭都有肉，就會成為相書講嘅「獅子鼻」，擁有此鼻嘅婦女，個性比較執拗古板、遇事唔識變通，所以只宜從事穩定工作。而感情方面，由於個性太固執同死板，所以經常會同伴侶爭拗。如果伴侶性格溫馴，都仲可以白頭到老，但如果一樣係炮仗頸，分手機會就大好多喇！不過獅子鼻嘅女人心地善良，勤奮顧家，都不失為一個持家有道、愛錫子女嘅好媽媽。