解釋：「延長金」喺日本風俗店裏面，係個常見名詞，大家一定要認識，呢個詞既然有個「金」字，明顯就係同錢銀有關係。原來日本風俗店服務，全部都係按時間嚟計錢，服務時間愈長，相應收費就愈貴。萬一客人喺服務期間，快樂不知時日過，過咗指定時間，咁風俗店或者出張囡囡，就有權追收客人「延長金」，即係「過時收費」，等同我哋幫襯馬檻超時要額外「加鐘」咁解。
之前本欄有講過，日本風俗服務，全部都係「前金制」，即係相金先惠，所以呢啲「過時補水」，係後補畀個場或者囡囡。喺場幫襯就一定要照價付費，反而出張服務仲可以走盞，因為啲錢係囡囡自己袋番，同囡囡講掂數就可以減啲，畀一半都有着數啦！
達達