本地夜場囡囡質素下降，搞到班媽咪冇啖好食。最近就有媽咪為咗撬啲樣靚身材正嘅囡囡過檔，竟然連「例報」規矩都唔理，結果咪自食其果囉。例報嘅意思即係媽咪將囡囡所有嘅資料向其他夜總會發放，目的係防止有唔生性嘅囡囡，借咗人錢或做錯事玩人間蒸發，然後又走去第二個場做。
早幾日，媽咪C就喊晒口同我雞蟲熹呻：「最近真係唔好彩，無端端要幫個囡囡孭咗條數，認真黑仔呀！」我識咗C多年，知道佢份人一向好小心，冇理由會幫個囡囡做擔保借錢。C就話：「其實係我衰先，為咗撬呢個囡囡跟我搵食，我冇跟規矩例報，後來先知道原來條女之前借咗另一間場嘅媽咪成萬銀，結果個媽咪踩上門追數，我為咗保住條女，咪幫佢孭咗條數囉！唉！呢啲咪叫自食其果囉！」
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk