識女仔同搵工有好多共通點，首先兩樣都足以影響男人一生，另一方面，就係兩者同樣需要大家有自信！見工嗰陣如果頭耷耷兼口窒窒，唔使一分鐘就會聽到「你返屋企等通知啦！」識女仔嘅時候若然又係咁冇自信，唔使講又會聽到「我約咗人，係咁先啦！」可想而知，自信心對一個男人有幾咁重要！

自信心極低落

喺日本，男人愈來愈覺得自己冇用，因為經濟差，公司唔愁請唔到人，所以對員工亦比較刻薄，要受老闆氣已經令自信心低落，返到屋企又要受老婆白眼，唔怪得早前有報告指出日本生育率又跌至新低啦。因為冇自信，「細佬」個頭亦容易受影響而抬唔起。

面對咁冇自信嘅人生，風俗業界卻又有奇招可以幫忙喎！就好似最近新開嘅「逆視姦風俗店」咁，就標榜玩法可以令客人自信心提升！

男裸體女密實

對日本AV作品有認識又或者追開本版《慾海無涯》嘅朋友，相信都應該見過「逆視姦」呢個詞彙，原本「視姦」嘅意思就係指男人用雙眼喪睇女仔嘅胴體，至於「逆視姦」就即係吩咐女方掉轉頭睇男方，對於部分有自戀傾向嘅男人嚟講，亦係一種享受！因為自戀嘅人對自己嘅身體都充滿自信，風俗業界則發揮逆向思維，將因果倒轉，利用自戀嘅方法提升客人嘅自信心，於是逆視姦風俗店就應運而生喇！而玩法就被稱為「Clothed Female Naked Men」（簡稱CFNM），即係女方着到密密實實，男方就赤身露體，即係由客人剝光豬向風俗孃展示身體，繼而一邊自娛，一邊請風俗孃細心欣賞。畀錢請人睇自己，諗落呢種玩法真係相當怪誕喎！

多種情景玩法

當然，幫襯風俗孃嘅原意一定係解決慾火，所以逆視姦風俗店嘅風俗孃，一樣會提供普通服務，例如接吻、手作仔、素股、顏面騎乘等等都一應俱全。不過上述玩法並非逆視姦之精髓所在，所以在此唔再多講喇！

至於點樣令客人滿意，同時又感受到新奇兼刺激呢？當中最具特色嘅玩法有三種，第一種，就係大玩制服誘惑。風俗孃會穿上警衞服裝，責備正在自娛嘅客人，佢哋會指住客人大喝：「你好停手喇！你咁做法好核突呀！」正如好多後生仔愈係畀父母鬧，就愈激起佢哋嘅叛逆心態，繼續犯錯，咁樣畀風俗孃鬧，部分男人反而會更加興奮；第二種，風俗孃會大讚客人：「嘩！你好勁呀！我未見過男人持久力咁強架！」之類嘅讚美說話，再過癮啲，風俗孃會一邊進食、一邊睇住客人自娛，睇住風俗孃兩片朱唇隨咀嚼動作又開又合，對於男人嚟講，亦係一種無言刺激；而第三種，就係風俗孃一邊朗讀書本，客人則一邊自娛，感覺就好似打擾一個正潛心苦讀嘅少女一樣，又係另一種風味。

住家男愛幫襯

有風俗孃目不轉睛咁睇住自己，相信除咗刺激之外，多少都感覺到自己此時此刻正受人「欣賞」，即使事後要畀錢，但係一樣覺得滿足又愉快，仲令自己感受到自信心升級添！所以逆視姦風俗孃最近大受男士歡迎，而除咗好多屬單身寡仔嘅自卑男士之外，有婦之夫亦非常鍾意呢種服務。

原因好簡單，因為好多夫婦結婚多年之後，漸漸踏入怠倦期，夫妻間嘅交流日漸減少，房事次數當然亦大幅下降啦！就算係老公主動求歡，老婆亦會以「我今日好攰，想早啲休息。」為由，淡淡然拒絕老公，所以好多有婦之夫心中不知幾咁寂寞！家陣逆視姦風俗孃出現，有佢哋眼定定「欣賞」自己，老公頓覺自己仲有多少存在價值，挽回日本男人最重視嘅男性尊嚴！玩完之後仲可以雄赳赳，氣昂昂咁返屋企面對老婆添！