今年二十歲嘅Nikki Anne，人又靚身材又正，身高五呎八吋，外形弗到漏油，所以佢加入四仔界後，迅速竄紅，粉絲無數。不過，佢嘅夢想並唔係要喺成人電影頒獎典禮AVN攞乜嘢獎項，而係轉戰樂壇做歌星。

受老師薰陶

點解Nikki咁想做歌星呢？原來係有段古嘅，佢就話：「初頭我對唱歌冇興趣，直到小學五年級嗰陣，嚟咗個靚仔音樂老師，於是激起我對唱歌嘅興趣。有一次，老師叫我一個人獨唱一首歌，佢讚我有潛質，可以喺歌唱界發展。」

之後Nikki跟靚仔老師學唱歌兩年，唱歌嘅基本技巧已經完全掌握。可惜到咗高中就有問題出現，事關Nikki人靚身材正，吸引大批男同學嘅追求，自此阿妹日夜掛住拍拖，冇時間再練習唱歌。Nikki話：「當期時真係太多男仔追求我，有時一日要招呼四、五個男仔，我仲邊有時間練習唱歌吖，就連聽音樂嘅時間都冇呀！」

做創作歌手

咁後嚟又點樣挑番起條筋唱歌呢？Nikki就話：「中學畢業之後，我同啲男朋友散晒，於是疊埋心水搵工，結果我喺一間酒吧做侍應。」

做咗侍應嘅Nikki，除咗招呼客之人外，有時仲會客串上台唱歌，客人聽過之後都拍爛手掌，可惜酒吧嘅生意實在太差，做唔夠半年就執咗，Nikki惟有搵過另一份工，最後喺誤打誤撞下入行做咗脫星，仲畀佢紅咗添。

但Nikki深明做脫星唔可以做一世，為咗未來打算，於是佢透過經理人，四出搵機會登台唱歌，Nikki話：「初時只係唱酒吧場，每晚三十五分鐘，但我已經十分開心。」

而Nikki嘅夢想係成為歌星，可以開大型演唱會，但阿妹嘅夢想相信好難喺短期內實現，因為至今仲未有唱片公司簽佢。不過，Nikki冇放棄，積極練歌，仲話遲啲學埋作曲填詞，將來做個創作歌手。Nikki咁年輕，只要努力，要達成夢想一啲都冇問題啦！

Nikki Anne's Profile

年齡：20歲

三圍：36C-26-35

身高：5呎8吋