早幾日，我雞蟲熹約咗成班老友出嚟飲茶吹水，其中一個老友講咗一件趣事，聽完之後大家都發笑。話說有位仁兄去一樓一玩嘅時候，未上樓已經戰戰兢兢，好似做賊咁，當同鳳姐埋牙時，突然聽到有人拍門聲，就以為係執法人員，於是驚到連衫都唔着就爬窗走人，鳳姐見狀即時拉住佢，叫佢唔使驚，只係另一位鳳姐返嚟而已。
大家聽後可能都覺得好笑，但係對於鳳姐嚟講卻見慣不怪。我雞蟲熹就同幾位鳳姐傾過，鳳姐異口同聲話年中遇過唔少呢類嫖客，一般嚟講佢哋都甚少出嚟玩，甚至係第一次，所以一入到鳳竇，通常都會問長問短，例如問最近有冇執法人員上過嚟。其中鳳姐C就話：「呢類膽小怕事嘅嫖友，都係啲十八廿二嘅年輕人居多。」
我雞蟲熹覺得如果玩得咁細膽，不如唔好去啦！
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk