1.妍女去餐廳飲嘢，發覺對面坐咗個型男。佢唔單止生得有型有款，而分明嘅輪廓更係令妍女深深着迷。

2.型男感受到妍女嘅目光，轉個頭瞇起眼對佢微笑，強勁嘅電力電到妍女心花怒放，個心仲甜到漏！

3.正當妍女有所行動之際，有個靚女突然攝咗喺妍女同型男之間。靚女呢種行為擺明搶食啫！

4.妍女見到型男火速同靚女搭上，當然感到極度無癮，失落之情即時溢於言表！唉，邊個叫你唔夠人快呢？

5.唔忿氣嘅妍女突然發覺，靚女擺咗杯飲品喺佢隔籬，為咗報復靚女橫刀奪愛，竟然倒咗大量沙糖落去！

6.原來妍女心諗，靚女恃靚搶仔，一於等佢飲杯勁甜嘅飲品，就算甜佢唔死都肥死佢。都話唔好得罪女仔啦！