鼻頭兩旁隆起嘅部分，有人稱為小鼻，但大部分相書都稱呢度為「金甲」，金甲大嘅男士，精力旺盛，着重享受，所以有相書話係大富之相，最適合做生意。因為金甲大嘅人有頭腦，眼光好，理財能力強，做生意穩賺少蝕，定能創業致富。
而缺點方面，金甲大嘅男人原來十分迷信，特別當佢有錢之後，佢就會忘記自己嘅財富係靠努力得嚟，反而相信鬼神之說，整天求神問卜，呢種人係玄學家們嘅大客人。而另一方面，佢本身已經係享受型嘅人，當發達後自然變本加厲咁追求欲望。
而據古相書講，金甲大嘅朋友，原來陽物亦大，特別係頭部位置，如果加埋頸粗頭大，聲如洪鐘，咁樣就一定係天生異稟嘅奇男子。但咪開心住喎，古相書話男人陽物過大，係唔吉利嘅卑賤之相，對運程有損，所以呢啲嘢千祈咪恨大，夠用就算喇！