現年二十四歲嘅Boroka Borres，加入美國四仔界已經有兩年，曾演出嘅角色多不勝數，好似純情學生妹、淫蕩女秘書、寂寞少婦等，原因係佢擁有一副標致嘅臉孔，扮乜嘢角色都似模似樣，呢個優點更令佢喺業界獲得非常好嘅成績。

如願以償

今日嘅Boroka性感迷人，真係想像唔到佢以前係一名肥妹仔，由於當年身材肥胖，為怕被人取笑，佢連課外活動都唔敢參加。高中畢業之後，Boroka原本想當模特兒，可惜身形關係，連面試嘅機會都冇，令佢意志消沉，整個人變得頹廢。

直到Boroka結識到男友之後，情況終於改變，佢話：「當時男友同我講，愈係畀人哋睇唔起嘅話，就愈要做得更加好，絕對唔可以畀人睇死，更認為我嘅五官細緻分明，一旦瘦身成功，必定係個靚女。」得到男友嘅鼓勵後，Boroka當堂充滿自信，於是下定決心，每日到健身室做運動，一日三餐都食得好清淡，亦戒除不良嘅飲食習慣，進行地獄式減肥。

經過一年嘅努力後，Boroka嘅體重由一百七十磅減至一百零五磅，足足減了六十五磅。當佢擁有一副苗條身材後，自信心大增，後嚟經朋友介紹下到模特兒公司面試，並且即時獲得取錄，令Boroka開心到不得了。

魅力爆棚

由於Boroka初入行，經驗尚淺，公司就安排佢拍攝一啲內衣硬照廣告，希望佢可以慢慢累積經驗。點知Boroka表現非常出色，媲美專業嘅模特兒，因而大受廣告商歡迎，工作量亦漸漸增多。做咗幾年模特兒，本來事業一帆風順，點知遇着經濟衰退，模特兒公司執笠，令Boroka加入失業大軍。

直到兩年前，佢畀一間四仔片商睇中，對方力邀佢加盟。為咗搵食，佢一方面努力同男優激戰，一方面加緊到健身室做運動Keep Fit，雙重努力之下，家陣Boroka不但身材又Fit又索，性技仲愈來愈純熟，每一招、每一式仲散發驚人魅力，雖然入行日子唔耐，但係已經成為四仔界嘅小天后。

Boroka Borres's Profile

年齡：24歲

三圍：33C-24-32

身高：5呎4吋