細強道出事情經過：「呢個囡囡樣子平凡，身材一般，換轉係以前，我一定會彈女，但家陣咁嘅時勢就算數啦，加上經理話全場只剩得呢個囡囡，唔要就有排等。之後，囡囡揼咗一陣就問我開大鐘定係細鐘，我反問佢開大鐘安全咩？」

囡囡就話：「我哋返得工自然安全啦！」細強原本嚟食飛機餐，點知有得食全餐，佢當然答應，於是囡囡致電畀經理報開大鐘服務，之後繼續同細強按摩，當囡囡搞到細強慾火中燒嘅時候，突然全場啲燈着晒，外面更傳嚟警車聲，囡囡即時停晒手走出房門問發生乜嘢事。呢個時候，細強聽到經理大喝一聲，全場囡囡即刻閃晒。

隔籬大廈火燭

細強見勢色唔對，第一時間起身着番條褲，此時，侍應叫客人稍安無躁，話可以喺房等候，或者出大廳坐，但大部分客人都即時換衫走人，好似打到嚟咁樣，而外面嘅警車嚟完一架又一架，情況十分嚴峻，細強最後決定放低三百幾蚊埋單走人。

點知當細強落到樓下至知道，原來係隔籬幢大廈有單位火燭，所以有多架警車同消防車趕至現場，同時，細強見到成班技師企晒喺對面街睇熱鬧。細強話：「原來唔係查牌，只係虛驚一場，早知就唔使走人啦，咁就白白畀咗幾百蚊，但無辦法，家陣風頭火勢，遇到咁嘅情況，仲夠膽博咩！」