大波唔代表大晒！脫星Tyler Faith就深明呢個道理，雖然阿姐加入四仔界時經已好大波，招攬咗唔少忠心影迷，但佢清楚長江後浪推前浪呢個道理，遲早一日會有新巨乳女優登場，到時好易就會被淘汰，於是佢努力Keep Fit，學習健美之道，希望保持最佳狀態，同時亦可另謀出路。果然，經過八年嘅四仔生涯，阿姐身材從未走過樣，口碑載道。家陣Tyler已可以將拍四仔當成副業，正職應該係健身教練至真！
Tyler話：「做人唔可以停留喺同一個階段，要不斷求變，否則就會被淘汰！」阿姐坐言起行，成為一位健身教練，但跟佢學嘢嘅大部分係男性，好明顯係因為貪圖Tyler嘅美色，然後至報名健身。不過當事人就認為冇所謂：「做脫星要剝，家吓唔使剝都咁多人撐，我諗住遲吓開間個人名義嘅健身室，吸引我啲影迷加入！」嘩，阿姐你咁多瓣數，邊個夠你玩呀！
Tyler Faith's Profile
出生日期：1975年4月3日
三 圍：34D-25-35
身 高：5呎7吋