深圳進行「嚴打百日」行動，早前就拉咗百幾二百個港人，而當中絕大部分係衰掂軟性毒品，睇嚟最少都要拘留十五日。而我皮哥個老友福哥個女，就喺呢次行動中被人拉咗，福哥問我有冇辦法幫吓佢個女，我話呢次係由龍崗嘅公安嚟羅湖進行行動，所以冇情講。
福哥話想去探吓個女，我叫佢唔好咁心急，等有關當局打電話嚟通知，否則，依家貢上去盞畀啲老千呃，皆因拘留所門口有好多老千，佢哋知道你想探人，就會過嚟話佢哋有辦法，呃你一萬幾千後就玩失蹤，所以千祈咪信佢哋。
其實，喺上面被人拉咗，首先要落口供，喺呢段期間冇得同家人見面，當認晒罪，寫埋悔過書後，就會押去拘留所收押，之後就可以畀你打電話搵家人，攞啲日用品嚟，所以我叫福哥唔好心急，只要佢個女坦白從寬，唔好牙斬斬唔認罪，有關當局一定寬大處理。
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk