好多女性都喜歡雙眼皮，因為睇落對眼會又大又明亮，於是唔少單眼皮嘅囡囡，都會去美容院割雙眼皮，等自己對眼更靚更有神采。但原來以面相學嚟講，有雙眼皮嘅囡囡，優點係感情豐富，善於交際，而缺點就係有少少虛偽。
相書話天生雙眼皮嘅囡囡，全部都係性情中人，而且情緒易受影響，同朋友傾偈，前一分鐘仲哈哈大笑，後一分鐘可以突然抱頭痛哭，但因為佢哋嘅性格熱情開朗，所以人際關係都幾好。
而且佢哋做人處事亦比較圓滑，就算對方講錯說話惹佢哋不快，佢哋都唔會直接反駁，只會婉轉表達意見，以減低與人直接衝突嘅機會，好少當面批評人。好聽講句叫做圓滑，難聽啲講即係虛偽，不過做人處世就係咁啦！
達達