呢班喺路邊截順風車嘅靚女，真正身份其實係風俗孃，而佢哋嘅目的並非截順風車咁簡單，而係希望引誘一啲慾火中燒嘅餓男，趁住佢哋揸車返屋企或公司途中，順道幫佢哋解決生理需要，係名副其實嘅「路邊野花」。

以資識別

最近有人發現喺日本某條鄉村公路旁邊，有班衣着性感，而且打扮入時嘅靚女喺度截順風車，吸引唔少男性駕駛者嘅目光。不過大家唔好以為佢哋只係截順風車咁簡單，查實可能佢哋只不過係想勾引男士而已。事關呢班靚女嘅真身係風俗孃，專門向獨行嘅男性司機埋手，每當見到佢哋駛近嘅時候，便會高舉手上嘅紙牌，吸引對方注意。

想知道截順風車嘅靚女係咪風俗孃，方法好簡單，除咗留意佢哋係咪衣着性感外，仲有兩點可以區分。首先，有部分風俗孃為咗吸引司機嘅目光，喺汽車駛近時，會主動拉開衣領，或拉高裙腳，露出性感內衣，甚至係真空嘅下身。其次就係留意佢哋手上嘅紙牌，原來佢哋手上嘅紙牌，除咗寫有目的地外，仲會寫有「風俗服務」四個字。最後，如果大家都冇留意上述兩點，而停車畀佢哋上車嘅話，靚女喺上車前都會問司機，想唔想休息一陣，就算你份人幾咁遲鈍，都知道靚女想點啦！

自選服務

呢種服務對獨行嘅司機嚟講，有一定嘅吸引力。事關佢哋可以趁住上下班短暫嘅時間，趁機搵靚女解決慾火之餘，有女友或家室嘅男士，更唔使擔心會畀人撞破，或因為遲返屋企而被女友發現嘅危險，最重要就係風俗孃唔介意喺車內同你玩車震，對部分男士嚟講，確係吸引！

曾經試過呢個服務嘅宮本先生就話：「話說有次我揸車返屋企途中，見到個舉住牌嘅靚女，我見對方手上嘅紙牌寫咗個地方名，以為對方想截順風車，又見到順路，喺冇睇清楚嘅情況下，便停車載佢。點知對方問我係咪想休息，我望番個紙牌，先至發現原來佢想提供風俗服務！」

由於宮本先生未試過車震，聽到呢個叫做奈奈嘅風俗孃介紹後，便大為心動，想試吓呢種別開生面嘅服務。據奈奈介紹，佢哋呢啲路邊風俗孃所提供嘅服務，其實同一般風俗店差唔多，而唔同嘅地方，就係會提供「本番」，亦即係真正銷魂嘅服務，唔限於手口服務咁簡單。

系統經營

其實除咗車震外，如果司機有興趣嘅話，都可以帶佢哋去附近嘅風俗店或酒店短敍。據宮本先生解釋，原來呢啲路邊風俗孃，同附近嘅時鐘酒店有合作關係。不過，如果客人想玩車震嘅話，風俗孃會指示佢哋驅車到附近較隱蔽嘅地方，例如草叢、樹林、橋底等，進行進一步嘅接觸。

而宮本先生就喺奈奈嘅帶領下，去到附近嘅草叢曳曳。宮本先生回味道：「睇AV嘅車震表演就睇得多，但親身嘗試就係第一次，估唔到都幾爽！」經過一輪車廂激戰後，宮本先生心滿意足，並按奈奈嘅要求載佢返去頭先接佢嘅地方，好讓佢繼續搵生意。

據宮本先生表示，呢啲風俗孃其實係由某間出張風俗店管理，而喺返工嘅時候，便由公司送到特定嘅地方，收工時則會載佢哋返回風俗店，而工作時間一般從傍晚到凌晨。至於佢哋嘅安全，風俗店亦照顧周到。原來風俗孃嘅手機內，都裝有全球定位系統，方便公司追蹤佢哋嘅位置。唔知大家對呢種路邊野花有冇興趣呢？

難監管 衞生差

呢種路邊風俗孃由於管理相當制度化，而工作嘅地點亦經常轉移關係，所以呢啲風俗孃主要會喺較為偏遠嘅地方出沒，從而避免受查。此外，呢啲風俗孃服務過後，往往唔清潔乾淨便繼續接下單生意，衞生情況實在值得關注。