出雙入對

雖然家陣買情趣用品已經成為好多情侶行街嘅節目之一，但女仔人家把口話就話唔抗拒，但係出入情趣商店，總少不免怕畀人見到。不過，嚟過銅鑼灣呢間情趣用品店之後，就令我女友唔再怕尷尬喇！因為呢間舖經常都有情侶出雙入對，好似平日行商場咁輕鬆自在，女友睇到即時放下戒心。而舖入面嘅陳設仲有多少時裝店嘅感覺，因為入面展出大量情趣內衣，簡直係琳琅滿目，睇到目不暇給，啱晒平日鍾意行時裝店嘅女仔。

款式繁多嘅情趣內衣一定可以令女伴睇到唔捨得走。

一盒盒情趣內衣擺到好似閃卡咁，一睇盒面就知道款式。

式式俱備

當然，入得嚟情趣用品店，梗係唔止睇情趣內衣啦！呢間舖較其他同類舖頭闊落，所以放到大量不同類型嘅產品，淨係講都可以講到天光，所以小弟決定在此慳番幾千字嘅描述！

呢間舖位處銅鑼灣，交通方便到極。	草菇仔震蛋可愛到極，買返屋企做擺設一樣得。售價：$158	《飛之子》遙控震蛋系列係日本最新產品，特點在於震力強勁而且仲係無線設計，好方便呀！售價：$528

另一方面，值得一讚嘅係，此舖設計簡約得嚟，唔似得其他舖咁用埋啲曖曖昧昧又昏暗嘅燈光，令大家行入去嘅時候唔會覺得自己行入黑店，感覺光明正大又舒適。而店主仲好有心思咁將包裝精緻美觀嘅日式產品以及主打激情實用嘅西方產品分開，方便各有喜好嘅客人慢慢選擇。如果揀到一件心水用品，但擔心自己唔識得用，請大家放心，因為店員斯文有禮，對產品嘅用途以至來源地等資料都有詳細了解，聽佢口述一次包保一學即會！咁就唔使盲摸摸，甚至畀女友笑啦！

查詢：2834 3897

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。