其實性愛可以慳錢嘅講法，確實有根有據，事關擁有美滿性生活嘅男女，對日常生活及健康都能夠帶嚟正面影響，個人開心啲、健康啲，睇起嚟精神啲，自然病痛都少啲啦！

慳番買護膚品

喺性愛前奏過程中，激情嘅擁吻及愛撫都能夠令雙方身心得到極大嘅撫慰，促進新陳代謝，令男性嘅睾丸酮分泌量增加，肌肉更發達；而女性則因為雌激素分泌增加，而顯得面色紅潤，肌膚細膩，整個人容光煥發。

性學家認為，由於做愛後得到滋潤，令人變得更靚、更年輕嘅緣故，如果一個人喺每星期享受兩至三次性愛，以投資回報率作計算，每月就可以節省美容及護膚品至少約五百元，每年約節省六千元。

唔使做Gym瘦身

性學家指出，性生活係一種鍛煉身體機能嘅劇烈運動，喺性愛過程中，可以消耗一定嘅熱量。如果每星期做愛三次，一年大約為一百五十次，每次性愛嘅時間以十分鐘計算，合共計一千五百分鐘，所消耗熱量則高達七千五百卡路里，相當於一年之內跑步二十五個小時。

性學家表示，如果一個人能夠每周享受兩至三次性愛，每個月可節省到健身中心做Gym及聘請私人健身教練嘅費用約一千元，每年則可節省一萬二千元。

節省醫療費用

性學家指出，經常做愛可以保護男性嘅前列腺，而定期發射升空能清除堆積嘅前列腺液。故無固定性伴與有固定性伴嘅男性相比，患前列腺癌嘅機會率，前者比後者高兩至三倍。另外，男人嘅精華素中，含有一種抗菌物質，有助減低女性患子宮癌嘅機會。

性學家認為，一個人喺每星期都能夠享受兩至三次性愛，令人身體健康啲，每年便可以節省各項身體檢查費用至少約二萬元。

免費治療失眠

性學家指出，缺少性生活或性生活不和諧、不美滿，係影響女性失眠嘅重要原因之一。當一個人經過一場激烈嘅性愛後，肌肉從疲倦中得以放鬆及心靈上得到滿足，令整個人得到一個釋放感覺，自然更快進入夢鄉。

性學家表示，每星期享受兩至三次性愛，每月就可以節省購買各種助眠藥物、保健品、助眠音樂等等消費至少約五百元，每年約節省六千元。

總結以上資料，埋單合共四萬四千元。當然，以上資料只供參考，健康先係財富嘛！