呢個名為「Exotic Dance Party」嘅艷舞PK賽，唔講唔知，原來今年已係第五年舉辦。大會為咗隆重其事，今年更選址以熱情奔放而著名嘅派對城市邁阿密舉行。據大會負責人Eric指出，呢個比賽嘅舉辦目的，除咗給予艷舞女郎一展身手嘅機會外，更希望能夠藉着呢項賽事，讓一眾蒲友體會艷舞嘅迷人之處。而今年嘅參賽人數更係歷屆之冠，共有二十多位來自全國各地嘅專業艷舞女郎參賽，絕對係盛況空前！

比併舞技

話得係專業艷舞女郎，每個參賽者不但身材玲瓏浮凸，舞技更是超凡。不過要順利奪得桂冠，如無過五關、斬六將嘅本領，實在難圓其夢。皆因比賽共分為兩部分進行，分別係「集體舞鬥」及「單挑比舞」。

首先，「集體舞鬥」環節，各個參賽者需要先喺台上演出自己嘅專長舞蹈，如鋼管舞、扭腰舞等，不但要跳得出色，囡囡更需要於空間極細嘅白色鐵籠內同其他參賽者鬥舞技，確實好考經驗及忍耐力，方能贏得評判青睞。而為咗可以喺首環節先拔頭籌，女郎們都施展渾身解數，博取觀眾及評判團好感，其表現可謂極盡誘惑之能事！

技巧取勝

個人表演完成後，就進入「單挑PK」嘅部分。喺呢個環節中，大會先會隨機抽出女郎進行比賽。比賽方法就如街舞Battle一樣，其中一方先行跳出拿手舞蹈，然後另一方就要跳出比其更加誘人嘅舞姿。喺三個回合內，邊個得到最多觀眾嘅掌聲及評判團分數的話，就可以順利晉級。

唔好以為只需要穿着性感比堅尼，利用玲瓏浮凸嘅身段就能吸引評判畀高分喎，因為除咗表演要夠迷人外，舞蹈技巧都好緊要，絕非上台扭吓擰吓便能擊敗對手。而經過一輪較量後，最終由來自拉斯維加斯、擁有八年演出經驗嘅艷舞女郎Jane Wellin奪得后冠，確實可喜可賀。

性感底線

雖然唔係單靠性感就能夠得到冠軍，但係參賽者為咗可以成為眾人焦點，無不將性感底線拉到最低。到過呢個盛會嘅蒲友Michael就話：「嗰晚比賽，實在令我難忘！雖然比賽非以露肉多寡而定勝負，但為咗可以得到大家嘅歡呼聲，囡囡不僅大跳有味舞蹈，挑動大家嘅情慾之餘，有參賽者喺單挑賽嘅第三回合時，更不惜脫去上衣，以半裸姿態誘惑評判，務求能夠將對手擊倒。而對方眼見對手如此落力，亦以誘人舞蹈迎戰，更拉埋觀眾上台做拍乸，真係恨死隔籬！」

雖然大部分蒲友都認為呢個比賽非常好玩，但亦有人認為相當無聊，事關整晚只得囡囡於台上大跳艷舞，而觀眾又不可擅自上台。一眾囡囡除咗拉票時會走到台下觀眾席行Catwalk吸引觀眾外，其餘時間觀眾都得個睇字，眼看手勿動，睇見一個又一個靚女於台上跳出極度誘惑嘅舞姿，唔谷出慾火就奇咯！