有成人雜誌問Zdenka 到目前為止，曾經擁有過幾多個男友？佢就好坦白咁答話多到唔記得。原來Zdenka 自十八歲開始，就不斷結交男友，但戀情總係唔長久，究竟點解呢吓？

先發制人

對此，Zdenka 慨嘆咁話：「唉！天下烏鴉一樣黑！個個男人都係貪新鮮嘅，當激情過後，佢哋嘅態度就會作出一百八十度轉變，甚至粒聲唔出走咗去。喺我多年嘅拍拖經驗所得，男人對女人嘅激情只得一星期，喺嗰七日裏面就係兩個人相處得最開心嘅日子，但係一個星期過後，熱情就會冷卻落嚟，所以我每次拍拖都唔會超過一個星期，希望喺嗰七日裏面盡情享受戀愛嘅樂趣，更加要將男方盡情榨乾為止！然後我就會喺男方拋棄我之前先發制人飛咗佢，跟住隨即去搵另一個男友。」

既然Zdenka 對男人完全冇信心，點解又可以一個接一個拍拖呢？咁唔係有啲矛盾咩？

主動出擊　　

對於呢個問題，Zdenka 皺晒眉頭咁話：「係呀！我個人真係好矛盾㗎！我又信唔過啲男人會同我天長地久，但係又唔可以接受自己身邊冇男友喎！因為我享受被愛嘅感覺，更加享受喺床上交歡嘅刺激同快感，所以每次甩拖之後，我都會主動出擊去識男仔。咁耐以嚟，我都未試過食檸檬，每次畀我睇中嘅男人都一定飛唔出我嘅手指罅。除咗我外形夠煞食之外，係因為每次當我遇到心儀對象時，我都會行埋佢身邊故意露出波罅畀佢喪𥄫，甚至用我雙導彈向佢襲擊，有時仲會加一個姣爆表情，咁就肯定贏硬喇！跟住唔使我出手，對方都會忍唔住拉我埋一邊生擒我啦！」

原來Zdenka會咁主動出擊去𠝹仔，唔怪得佢啲男友好似風車咁，轉得咁快啦！而Zdenka咁索，係男人都想生擒佢啦！

Zdenka's Profile

年齡：25歲

三圍：36D-24-34

身高：5呎7吋