家陣唔少有幾年經驗嘅夜總會PR，都會轉去酒吧做拳手，除咗貪有份底薪外，仲可以彈性上班，兼職長工任揀，規矩又少，對呢班PR嚟講真係百利而無一害。但以我雞蟲熹所知，其實呢啲PR轉做酒吧拳手後，實情係做半個媽咪，佢哋利用酒吧場夠大眾化，咩客人都有，唔會好似夜總會咁局限，而且喺酒吧入面，佢哋可以同客人猜枚，遇着啱嘴形嘅客人，佢哋就會主動出擊，同客人講吓有味笑話，睇吓對方有冇興趣叫囡囡玩，如果有，就會Call啲姊妹落嚟酒吧，通常啲客人見有女圍都唔會拒絕，當飲到醉醉哋嘅時候，啲姊妹就會自動波拖個客人去附近酒店爆房。
不過，呢啲拳手媽咪通常唔會主動接客，頂多都係喺酒吧同客人猜吓枚、飲吓酒，原因係佢哋都怕賴嘢，陣間客人玩完返嚟周圍唱或者投訴，就一身蟻，同埋佢哋都要保持形象，為咗喺酒吧長做長有，就算客人幾冧佢哋都好，出街一樣Say No！至於同姊妹拆帳方面，每次出街，拳手媽咪就拆一百五十元，平均一晚拆五個，咩都唔使做就袋七百五十蚊，真係好搵。
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk