夏侯淵妙才喺故事中，只係一名配角，係曹操玄德嘅手下，話說曹操救咗佢一命，自此佢就追隨曹操左右，由於自小擅長暗殺術，所以成為曹操身邊嘅第一殺手。佢受歡迎除咗武功了得之外，就係對曹操嘅呢份忠心耿耿，贏得不少讀者嘅支持和愛戴。

對上一次推出佢嘅首辦，都有一年咁耐，上次嘅手工認真麻麻，最敗筆係純屬賣弄性感，一出街就遭讀者惡評如潮，今次造型師似乎要還夏侯淵嘅真面目，不再賣弄無謂嘅性感，反而突出夏侯淵沉穩冷漠嘅性格，畀人一種勇者無敵嘅殺手感覺。而且今次首辦嘅手工做得十分仔細，無論頭髮同埋衫嘅花紋，都做得好精緻，面相亦好用心去做，眼神凌厲，表情果敢，配上超緊旗袍，將豐滿嘅身材，恰到好處咁表露出嚟，今次個首辦啲粉絲一定滿意，嚟緊十月就會推出，大家記得密切留意喇！

原型師：高橋剛

全高：200mm

預定發售日：2009年10月

售價：¥7,140（約HK$576）