近年美國不少的士高都大搞舞蹈比賽，不但可以吸引玩家入場，更能讓舞藝非凡嘅靚女，有一展身手嘅機會，而「Booty Shake Contest」就係喺呢個背景下誕生。每次舉辦，不但吸引四方八面嘅蒲友參加，更讓各地嘅玩家慕名而至。

氣氛熱鬧

據主辦單位介紹，呢個火辣舞蹈比賽，今年已經係第五屆舉行。不過，呢個比賽卻有規定，只接受女性參賽者。縱然如此，仍然吸引到不少玩家到場，而今年嘅入場玩家人數更超過四百名，更打破以往紀錄逼爆會場。

大會負責人之一嘅Simon表示：「呢個比賽之所以深受玩家歡迎，皆因我哋嘅主題比一般舞蹈比賽嚟得新穎，事關我哋要求每個參賽者，都要有一身好舞藝外，更需要有番咁上下扭力，先至可以脫穎而出。此外，我哋嘅評審團陣容亦相當雄厚，不但有嚟自著名經理人公司嘅負責人，更有著名模特兒公司嘅職員，對有心加入娛樂事業嘅女士嚟講，着實有一定嘅吸引力。好似我哋第一屆嘅冠軍得主咁，佢就畀間娛樂公司睇中，其後去咗拉斯維加斯演出，發展都算唔錯。」

由於今年踏入第五屆關係，大會為表隆重其事，參賽名額亦由從前嘅十二個，增加到二十四個。另外，為讓比賽氣氛更加激烈，大會更專程從各地搵嚟一班專業艷舞女郎同場比舞，務求將現場氣氛，提升到更高嘅層次！

嚴格挑選

為咗讓比賽內容更加豐富、層次更高，大會除咗嚴格要求參賽者有一定嘅舞台演出經驗外，更對佢哋嘅樣貌及身材有嚴格要求，如非樣靚身材正及舞藝非凡嘅話，都唔使旨意可以喺比賽當晚上台演出。所有參賽者喺報名嘅時候，都要呈上一分鐘嘅個人舞蹈表演片段，經評審團審議後，再選出合資格嘅參賽者進入決賽。

雖然參賽門檻頗高，但仍然無損參賽者嘅熱誠，有參賽者仲認為咁樣反而能夠激發佢哋嘅鬥志。喺比賽當晚，將會透過兩個環節嚟釐定舞后誰屬，分別係技巧比試及個人表演。所謂技巧比試，會要求參賽者隨住節奏，喺台上不斷Fing胸扭腰，邊個扭得最勁，最引人入勝，最能展示舞蹈技巧及根底，就為之最出色。至於個人表演環節，則講求參賽者嘅舞蹈編排及表演技巧，以最能配合其自選舞曲及提升現場氣氛為之最佳，簡單嚟講，就係可唔可以讓玩家投入其中，驚呼狂叫！

戰情激烈

有曾經參加過呢個比賽嘅舞蹈員認為，要帶起氣氛，固然講求極佳嘅臨場反應，但最難嘅卻係要喺三分鐘嘅比賽時間內，不斷扭動身體之餘，仲要展示到精湛舞技。參賽者之一嘅Lina話：「每個參賽者嘅身材都有番咁上下，尤其係胸部都有一定分量，要喺短時間內不斷使勁扭擰，好容易扭傷之餘，亦非常消耗體力。」當晚Lina就以喺三分鐘內Fing咗一百九十下嘅佳績取勝。

不過正如Lina話齋，唔係每個參賽者都可以做到呢點，好似有參賽者為咗能夠突破紀錄，忘形地扭動身體，以致Bra-top跌落地，當場出醜，可想而知比賽過程何等激烈。到過現場觀戰嘅玩家Owen笑道：「當晚見到台上一眾靚女，不斷喺度Fing胸扭籮，睇到我不知幾咁興奮！但講到令我印象最深刻嘅環節，則係個人表演環節。皆因參賽者為咗喺呢個環節度搶分，不惜利用性感嘅舞衣，吸引玩家及評審嘅眼球，而有部分參賽者更嚟個無底線肉彈攻勢，跳到一半便將身上舞衣盡解，意圖利用無比春色力挽狂瀾。雖然唔知佢哋咁做可唔可以成功搶分，但已經令我哋尖叫不已！」唔知大家又有冇興趣，見識一下如此別開生面嘅比賽呢？