天氣炎熱，去海灘游水係最好嘅消暑方法，仲可以睇吓女，真係一樂也！唔得閒去海灘？唔緊要，今次就介紹一個火辣水着少女首辦模型，為大家降吓溫啦！
呢個火辣水着少女名叫獅子堂秋葉，係日本人氣動畫《穿越宇宙的少女》中嘅女主角。故事講述隨着地球人口突破一百億，於是人類喺太空建立同地球環境接近嘅太空殖民地，而獅子堂秋葉就居住喺一個叫科克伍德嘅太空殖民地之中。不過，秋葉為咗唔想咁早嫁人，於是離家出走，展開尋找自我之旅。
由於秋葉嘅身材惹火，衣着又性感誘人，故深得一眾動漫迷嘅歡心。有見及此，製造商就推出秋葉嘅首辦模型，以滿足Fans嘅需要。而呢個Figure就係取材自動畫中其中一幕嘅造型，小巧嘅比堅尼不但讓秋葉玲瓏浮凸嘅身材表露無遺，超低嘅泳褲仔更係露出半個美臀，實在係吸引死人！夏日炎炎，喺家中擺放個如此性感嘅水着少女Figure，必定透心涼啦！