最近豬流感喺社區大爆發，唔少學校都中招，於是好多學校都索性提早放暑假，所以我皮哥喺旺角見到一街都係美少女，突然諗起，會唔會夜總會場，都多咗年輕囡囡返工呢？於是第一時間就貢咗上去老友達哥負責嘅夜總會視察情況。
上到去先知生意不知幾好，仲見到好多年輕陀地妹滿場飛，我即時拉住達哥問佢點解搵到咁多囡囡？佢話：「其實同提前放暑假無關，事關佢呢度啲囡囡絕大部分都夠秤，所以搵嘅都係啲中五學生，佢哋喺五月尾考完公開試，早就已經開始放假。」
點解搵到咁多囡囡返工？佢話：「大熱天時，有乜嘢工可以喺冷房裏面，唱吓歌、飲吓酒就賺到錢吖！而且你講明做金魚，啲客都唔會亂嚟，加上日日計錢出糧，咁好做嘅工，仲唔爭住嚟做咩。」講到咁正，一於開間房，等我深入探討一下先。
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk