近年美國四仔界興起到東歐招兵買馬，除咗因為觀眾渴求大量新面孔，最大原因係歐洲女性無論輪廓及身形都比美國妹自然，尤其係上圍，好多花旗妞都係後期加工，胸前的確係偉大，但弊在欠缺自然，令AV迷睇到好無癮。再者，歐洲有好多地方冇美國經濟咁蓬勃，搵脫星容易之餘仲節省成本，以往一幕戲一對一，依家就算玩多人遊戲都冇問題，試問製片商又點會放過呢批廉價勞工呢？

以寡敵眾

而要數近年聲勢最勁嘅外勞，不得不提來自匈牙利嘅Preley Maddox，佢年僅二十二歲，由去年開始踏足美國四仔界，雖然上圍未至於逼爆，但勝在真材實料，完全無人工成分，遠或近睇都咁均勻。

講到豪放，阿妹亦毫不遜色於一眾美國脫星，而且從不揀戲拍，由正常同男演員切磋嘅肉搏戲，到同女演員大玩豆腐花都揮灑自如，就算要佢以寡敵眾都永冇Say No，總之片酬合理，佢就乜戲都會接拍，係一個絕對金錢掛帥嘅豪放女。

連Preley也不諱言自己是為錢而拍四仔，佢話：「我家庭環境好差，父母都靠農耕維生，收入好低微，屋企有四兄弟姊妹，完全冇餘錢供我讀書，所以中學畢業後就投身社會，但我唔滿足於食唔飽兼冇靚衫着嘅生活，偶然之下，我喺報紙睇到有美國四仔片商招募脫星，於是便膽粗粗去應徵。」

不想捱窮

之後，Preley果然被片商睇中，更被公司力捧為女主角，不過父母對佢做脫星一事並不知情，因為Preley知道，假如被父母發現佢拍四仔會好大鑊，佢話：「屋企雖然窮，但家教好嚴，假如同鄉知道，父母必定會覺得好無面，到時一定打死我呀！但我真係唔想再捱窮，即使要出賣肉體我都在所不計，只望將來可以生活好過啲，就算再激啲嘅情慾戲我都會拍。」聽完Preley嘅故事，相信各位都應該清楚，脫星喺人前就風光，其實背後或者都有不可告人嘅辛酸。

Preley Maddox's Profile

年齡：22歲

身高：5呎6吋

三圍：34B-24-34