其實內地邪骨場呃客屢有發生，但原來本地一樣有，而且專呃酒鬼。據一位骨精C講，一次佢飲大兩杯，去到佐敦一間中型骨場，一心諗住搵囡囡起機，經理講好價錢，全包三百九，C見非常合理，於是入房解決，到埋單時，竟然要七百幾，C即時同經理理論，對方解釋：「起機就三百九，但開大要另加四百！」C發誓話絕對冇同囡囡開大，但囡囡就死口咬定話有，仲言之鑿鑿話轉過幾個體位、砌足三十分鐘等等，呢鑊真係口同鼻拗。

另一個嫖客K喺同一間骨場亦有投訴。事緣佢一條友飲大晒，上骨場後喺休息廳坐足幾粒鐘都唔肯入房，於是經理拖咗兩條索女畀佢揀至肯入房。事後埋單總數盛惠一千三百幾，K當堂打個突，對方解釋喺休息廳時K柯打咗十幾支啤酒，仲要指定牌子，惟有叫侍應幫佢出街買，經理更取出「空樽」作證據，當然K話肯定冇飲過，因為佢從來唔飲呢隻牌子嘅啤酒。接二連三都係發生喺醉酒客身上，就算未必係骨場有嘢，但大家以後都係小心啲好！

雞蟲熹簡介

才二十五歲已經係色慾市既色途老馬，座右銘係唔食飯都要去滾。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk