貨品種類多

話明係超市式性商店，貨品種類一定要多元化，價錢公道。呢間位於旺角西洋菜南街一幢大廈之內嘅樓上性商店，地點雖然隱蔽咗啲，但勝在貨品選擇多，啲售貨員又唔會圍住猛咁Sell，可以慢慢咁挑選心水貨品。

日本Toys Heart防水震蛋，Mini Inspiration 系列一套四色有齊晒。	男性用自慰器款式特多，真係有排揀！	店內有好多外國進口貨，價錢合理！

老實講，呢度地方唔算大，但貨品種類多，淨係男用自慰器已經有過百種，為咗方便大家選購，老闆更刻意將店舖設計成超市形式，將所有貨品清楚分類，而且每個貨架嘅產品都貼有中文說明，唔使擔心買錯嘢之餘，價錢亦一目了然。

有多款潤滑劑以供選擇，唔識揀不妨問吓老闆。

產品多元化，排列方法好似超市咁，鍾意可以拎上手慢慢揀。

品質保證

採訪當日，發現呢度都有好多情侶上嚟買嘢，聽聞大部分都係熟客仔，不時上嚟睇嘢。一位女性客人向我Sexyman表示，鍾意嚟呢度買嘢嘅原因，就係貪佢夠靜夠隱蔽，唔似得喺商場入面啲性商店咁，每次入去都畀人眼望望。

作為消費者，買嘢嗰陣梗係唔想買到次貨，無奈部分無良店舖，將啲不明來歷嘅貨品混入其中，搞到客人都難以分辨。不過呢間舖嘅貨品，大部分都係嚟自日本、美國等地嘅進口貨，絕對有品質保證。如果你有任何疑問，可以即時詢問老闆，佢會極之樂意為大家解答問題。

今次我就買咗個可愛巨棒熊仔送畀公司一位美女編輯做生日禮物，當佢睇見熊仔下身雄偉一面，當堂笑到見牙唔見眼，睇嚟佢都應該幾鍾意猛男咁喎！

查詢：2342 7300

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。