喺英國出生嘅Nikki，長時間喺鄉郊生活，細個時唔好話高踭鞋，甚至連鞋都唔着，鍾意打大赤腳通山跑，Nikki話：「當我跑到攰，就浸對腳落河，洗洗對腳、畀啲流水按摩吓，馬上又生猛番晒，又再四處跑。」

咁Nikki幾時至第一次着高踭鞋呢？Nikki話：「我嚟到美國入行之後至第一次着，我記得面試嗰陣着波鞋，嗰對波鞋已經係我最貴嘅鞋，你話我唔着佢仲有乜好着。就算面試OK之後，第一次返工我都係着涼鞋。」

大出洋相

乜唔係着高踭鞋咩？Nikki話：「場務叫我帶個人到現場就得，仲話服裝、鞋同內衣由佢哋負責，我就孭個背囊、撻對涼鞋囉！」普通人咁做，一定食無情雞啦，但Nikki人靚身材好，仲係五呎十吋嘅長腿族，梗係有情講。

咁第一次着高踭鞋有乜感覺？Nikki笑笑口話：「認真瘀爆，我當日着住佢扮好色女秘書，導演叫我行去老闆間房勾引佢，嗰幾步路都行唔掂，仲畀男演員笑我，話我好似行鋼線咁款，最後仲一仆一碌，導演嬲到叫我除咗對鞋，就鏡頭算數。但大戰嘅時候，始終係辦公室布景，都要着番對高踭鞋連戲，好彩唔使行，淨係着住瞓喺度同趴喺度就得。不過我都知唔少戲要扮OL，着高踭鞋在所難免，所以我的起心肝，日日着住練習，一個月後終於着得慣。」

平衡感差

既然學識着高踭鞋，點解又唔鍾意着呢？Nikki解釋：「時間一長，對腳就好痛，除咗Social或工作需要，我平時點都唔會着，就算一定要着，我都會帶對涼鞋偷雞換，免得屈住對腳，周身唔舒服。」

其實唔少男士都鍾意長腿美女襯高踭鞋，效果相得益彰嘛，咁Nikki嘅男朋友又鍾唔鍾意先？「佢一定唔鍾意，因為佢同我一樣咁高，着咗就會高過佢，係男人都唔鍾意啦！所以同佢拍拖嗰陣，更加唔會着。」除咗以上原因，原來Nikki仲有一個小秘密，令佢咁怕呢種女士恩物，佢解釋話：「我嘅平衡感好差，心神一唔集中或者飲咗酒，行路就會一仆一碌，就算着平底鞋都一樣，着高踭鞋就更易出事，為免出醜，都係少着為妙。」

Nikki Jayne's Profile

年齡：23歲

三圍：35C-25-34

身高：5呎10吋