性感迷人嘅女戰士，向來係日本動漫嘅常見角色。事關佢哋樣貌及身材兼備外，高超嘅格鬥技更係深受動漫迷歡迎，好似今次介紹嘅呢個首辦模型亞蕾茵，就係其中一個好例子。
呢個身材火辣、樣貌俏麗嘅森林精靈戰士教官亞蕾茵，其實係人氣十八禁動漫《Queen's Blade》中嘅二打六女角。佢之所以受到動漫迷嘅歡迎，除咗因為佢美麗嘅樣貌，及非凡嘅戰鬥力外，仲因為佢嘅個性非常鮮明，係個說一不二嘅行動派。呢種剛柔並濟嘅性格，對動漫迷嚟講，無疑別具吸引力！
今次呢個模型不但將亞蕾茵迷人嘅容貌及玲瓏浮凸嘅身材，忠實地反映出嚟，佢頭上嘅教官帽及背脊嘅戰鬥披風，都可以除落嚟，方便大家擺出唔同嘅造型。唯一不足之處就係戰鬥服除唔到落嚟，否則養眼度相信可以大為提升。
全 高：200mm
售 價：¥6,615（約HK$530）
發售日期：2009年9月