今年已經二十八歲嘅Angel表示，讀書時冇諗過自己會當上脫星，事關覺得呢行冇前途，但如今自己成為其中一分子，竟發現好處甚多，不但搵錢多，更可以盡情享受性愛，可以話一舉兩得。

當眾數缺點

喺美國，好多女仔都希望成為模特兒，有睇過《全美模特兒大賽》嘅話，相信都會了解嗰班女仔係幾咁瘋狂。其實Angel以前都曾經做過兼職模特兒，專為雜誌拍硬照，初時佢以為自己可以一直喺呢行發展，更自薦到一間知名模特兒學校，諗住讀番個課程之後，就更有把握成為超級模特兒，點知入學面試嗰陣，竟被工作人員彈佢有好多缺點，就算堅持入讀，畢業之後根本唔會有模特兒公司聘用佢。

Angel無奈咁話：「當時嗰個工作人員當眾逐一指出我身上嘅缺點，好似話我手腳僵硬，搞到行路嗰陣好似機械人咁，以及個樣又唔夠上鏡，最重要係身高只得五呎五吋，根本唔合標準。」聽見對方連番數落，Angel都無話可說，惟有失望咁離開。

生理上滿足

經過呢件事之後，Angel對自己失去信心，甚至終日以淚洗面。直到一日，有個姊妹要求Angel作伴去脫星試鏡活動，反正冇嘢好做，於是Angel爽快應承。當去到四仔製作公司之後，工作人員誤會咗Angel嚟試鏡，結果錯有錯着，Angel同佢嘅好姊妹都順利入圍，之後更獲得聘用。

無端端當上脫星，Angel都意想不到，做咗一排，佢發現呢行原來有好多益處：「如果話行天橋可以得到心理上嘅滿足，咁拍四仔對我嚟講，就可以得到生理方面嘅滿足，尤其我依家可以隨自己心水去挑選對手，想要邊類型都得，確實令我非常興奮。況且，做脫星嘅好處在於多勞多得，如果表現出色，更會有人搵你拍戲、拍廣告添！依家我雖然唔算係一線脫星，但我仍然會朝着呢個方向不斷努力，相信終有一日可以令全美國人，甚至全世界嘅人都認識我！」

Angel Cassidy's Profile

年齡：28歲

身高：5呎5吋

三圍：34D-25-34