22/06/2009

播放本新聞相關短片

神州遊:禮儀小姐 二千有交易

內地不少推廣活動都會有所謂禮儀小姐在場協助,她們其實就等於活動嘅公關,個個都好靚女。然而,只要留意內地報章內嘅分類廣告,就有機會同呢啲禮儀小姐「交朋友」。

「我一直都想搵高級小姐玩,不過冇門路。」阿奇說道。阿奇住喺廣州,係一個商人,亦係一個玩家,以前喜歡到歌廳、桑拿等地方,但玩得多,覺得乏味,於是想搵一啲高級小姐,但一直冇門路。

分類廣告尋春

最近阿奇同一個生意上有來往嘅朋友講起,對方原來亦係一個玩家,阿奇就向他打聽門路,對方笑笑口話:「你留意幾份本地暢銷報紙,喺分類廣告中搵商務禮儀一欄,就會喺欄中發現一啲公司嘅廣告,再根據電話聯絡,一定會有收穫。」

阿奇聽後立即買咗一份報紙,果然有朋友所提及嘅一欄,發現有多家禮儀公司嘅廣告,而其中有啲明顯係另有所指,因為廣告中提及公關禮儀小姐嚟自各行各業,更提及可為客商提供深入嘅私人服務。

阿奇於是按照廣告上公司嘅電話同對方聯絡,聲稱想搵提供私人服務嘅禮儀小姐,接電話嘅男士叫佢可以上公司直接商談。

阿奇見事不宜遲,立即登門造訪,發現公司嘅門面唔錯,但裏面只有一個中年男人,招呼阿奇入房之後,對方問佢願意畀幾多錢搵禮儀小姐,阿奇表示可以畀兩至三千蚊左右。

任職舞蹈教師

此時,對方攞出幾本相簿,阿奇見到裏面全部都係靚女,而職業一欄中顯示,唔少係模特兒,亦有大學生。結果阿奇揀咗其中一位美女,二十分鐘後女方就到達公司,與阿奇見面。

女方原來係喺藝術學校畢業,現任舞蹈教師。兩人商量價錢後,女方最後要價二千蚊短敍,阿奇另外亦要付三百蚊介紹費畀公司。

之後阿奇帶女方到附近一家星級酒店開房,估不到呢位禮儀小姐竟然精通床技,搞到阿奇樂而忘返。當然,一次交易,花費連酒店租房共三千幾蚊,絕非一般人可以消費得起。

娟娟