本文重點
呢排收到好多讀者嘅查詢，問我新界區邊間性商店啲嘢抵買？我Sexyman當然會盡力滿足大家嘅要求啦，所以今次就帶大家去元朗一間性商店掃貨，佢雖然舖仔細細，但貨品款式都唔少，梗有一款啱你心水。
有問必答
平時我Sexyman入元朗只得兩個目的，一係買老婆餅，一係就去搵嘢食，但自從搵到呢間位於元朗西菁街附近嘅樓上性商店之後，我就有咗第三個理由入元朗，事關呢間店舖嘅貨品非常多，客人甚至可以要求代訂日本或外國嘅貨品添！而店內主要以日本進口貨為主，比較抵買嘅有日本震棒同震蛋。
除咗貨品種類多之外，店內嘅工作人員服務態度亦非常好，親切之餘仲鬼咁好傾，就算有乜問題，佢哋都會盡力為你解答，今時今日呢種服務態度咪叫好囉！
店員識做
其實唔少人都覺得入性商店買嘢好尷尬，最怕就係不停有人走埋嚟介紹呢樣，介紹嗰樣，但嚟到呢間舖就唔會有呢種情況發生。事關店內嘅工作人員都相當識做，會畀客人慢慢挑選，當客人有疑問時至會上前幫忙。嗰日我落到去，就撞到兩個後生女入嚟買嘢，佢哋兵分兩路慢慢睇，仲不時攞上手研究。店員話佢哋係熟客，揀啱自然會出聲，而佢哋嘅客人亦以女性居多，為咗免除尷尬，所以佢哋絕對唔會圍住客人不停推介，等大家買都買得開心啲喎！不過佢哋開舖比較晏，上去前最好打電話問清楚。 查詢：2944 0699
Sexyman's Profile
為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。