早前介紹過奇幻插畫家Julie Bell，被立體化嘅作品「Monica's Axe」。呢個作為「Fantasy Figure Gallery」系列第四彈嘅作品，極富陽剛味嘅同時，卻唔係受到咁多人賞識。為咗滿足普羅模型迷嘅喜好。喺佢嘅第五彈作品中，重歸凸顯女性體態美嘅軌道，推出一個名為「Golden Lover」嘅作品。
呢個作品特別之處，在於喺肌膚嫩白、身材玲瓏浮凸嘅靚女身上，圍住一條金色大蛇。喺原著插畫中，金蛇嘅造型相當威武，而神態更係栩栩如生。為咗突出金蛇嘅形象，原型師田神花咗大量嘅時間，刻畫金蛇嘅動作及神情。此外，金蛇嘅背鰭亦極具動感，令模型嘅觀賞性大大提高！
不過呢個模型美中不足嘅地方，就係冇咗前作細膩嘅肌肉紋理，換嚟「Golden Lover」身上圓滑嘅線條。對Julie Bell嘅粉絲嚟講，可能要花啲心機喺上色度下工夫嚟回復原作嘅神髓。
原 型 師：田神
售 價：¥10,290（約HK$823）
全 高：240mm
預定發售日：2009年9月