今時今日，好多新潮少女，明明係黑眼睛，都會買啲有色隱形眼鏡嚟戴扮鬼妹，而最多人戴嘅就係淺啡色。以中國相學嚟計，最好嘅眼珠顏色係黑色，眼白與眼珠呈黑白分明就最理想，而如果眼珠天生係褐色嘅，原來相書話係淫婦相嚟㗎！
據古相書話，褐色眼珠嘅女性，表面十分多情，見男人就黐埋去，言笑甚歡，但實際上係一個寡情薄幸嘅人，當佢愛上另一個男人嘅時候，就會同舊愛恩斷義絕，做事十分決絕，所以被古人稱之為淫相，若再擁有一對又大又圓嘅眼睛，更係淫上加淫。
近代有研究話褐色眼珠原來同瞳孔有關，眼大而色淺，瞳孔睇上嚟會更大，而瞳孔大表示為人着重感情，但做事輕率，欠缺計劃性，有衝勁，但冇耐性，用喺感情上，正正係古相書講褐色眼珠女性嘅表現，家陣啲後生女咁鍾意戴褐色隱形眼鏡，難怪咁多大被同眠同搶人老公事件發生啦！