我哋搵嚟專門為風俗店搞網站嘅遠山先生訪問一下，究竟呢個一條龍服務係點嘅呢？遠山話：「呢間風俗店都開咗一段日子，一向以人妻嚟做賣點，如果要玩道具服務，係要另外加錢嘅，但後嚟生意唔好，老闆咪決定送埋免費道具玩意益吓客人囉。」

加咗服務，生意有冇好轉呢？遠山話：「我哋網站都有幫佢做宣傳，可惜都係差強人意，加上啲囡囡做多咗嘢，不時有怨言，要求老闆喺分帳上拆多少少，但係生意一啲都冇改善，老闆又點會答允改善福利吖，於是好多囡囡索性唔做，差啲搞到風俗店執笠咁滯。」

改名轉運

咁最後係點樣脫離倒閉嘅危機呢？遠山話：「老闆走嚟問我有乜嘢意見，我就建議佢索性將間店改名，以「道具專門店」為名，等好此道嘅朋友，一眼就睇得出，自然可以客似雲來啦！」

結果老闆考慮咗成個星期後認為呢個提議大有可為，於是接納咗遠山先生嘅意見，仲把心一橫，將間舖改做道具專門店，並以「御道具專科」為名，畀客人享受道具之餘，仲教埋客人點樣玩各種功能各異嘅性道具。

遠山接住話：「佢仲叫我介紹一間性道具生產商畀佢認識，我問佢識嚟做乜？係咪想買道具時可以打折，點知佢竟然話想一個仙都唔使出就得到大批性道具，甚至有辦法令生產商掉轉頭送錢畀佢使，聽到真係嚇咗一跳。」

推銷產品

遠山話：「我起初都覺得佢呢個諗法好傻，但見佢係我哋公司嘅多年顧客，咪幫吓佢囉，於是就介紹一間中型性用品生產商畀佢。佢膽粗粗走去見人哋社長，我諗住一定撞板，仲買定賠罪禮物，萬一老闆搞出啲乜嘢事，都可以親自上門送禮謝罪，幫佢補飛。點知佢哋竟然一拍即合，生產商仲答應全力支持老闆，首批道具用品，全部免費。」

點解會咁好嘅？遠山話：「原來老闆諗到個一條龍服務嘅好橋，佢嘅囡囡全部都會用呢間公司嘅道具，而且仲免費教客人點玩點用，再順便推銷，更會以低於巿價嘅優惠，為客人代訂性道具產品。咁樣做令生產商無形中多咗一支示範隊伍，日日向客人直接推銷產品，難怪對方會爽快應承啦！」

皆大歡喜

唔知呢個計劃推出後，啲客人有冇爭相購買呢？咁老闆咪賺好多？遠山話：「老闆佢做埋分銷，由於從廠商處直接攞貨，所以成本比巿價低好多，就算以優惠價賣畀客人，都賺到唔少，但佢好識做，將所有賣性用品所賺嘅錢，全數當佣撥畀囡囡，於是囡囡就更加戮力做產品示範同推銷，令風俗店嘅生意愈嚟愈好。」

咁啲囡囡之前因為要玩道具，而要求加人工嘅問題又有冇解決到呢？遠山話：「老闆呢條橋最厲害嘅地方，就係成個計劃佢自己一分錢都冇出，但就可以做到生產商、客人、囡囡三方面都同樣滿意，囡囡Sell客有錢收，仲點會再要求額外示範嘅人工吖；而風俗店自從轉型後，生意更好到不得了，老闆仲打算開分店添，佢諗到呢條絕世好橋，抵佢發嘅！」