身邊老友對女人有特別要求,佢唔需要對方樣靚身材正,但必須擁有一對修長美腿。呢種喜好本身都冇乜問題,最怕就係佢走火入魔,學似以下片段嘅男主角咁,望到美腿就雙眼發光,就連對方美人生鬚都冇所謂,咁就該煨囉!
1.文仔夜訪馬戲團,並非因為佢係超級馬戲迷,而係約咗個喺馬戲團工作嘅靚女,諗住今晚同佢表白愛意。
2.喺另一邊廂,靚女為咗畀文仔一個好印象,漏夜整理儀容之餘,仲好勤力咁剃腳毛,皆因佢知道文仔最鍾意美腿靚女!
3.文仔去到靚女嘅汽車屋門口,深深吸一口氣才按動對方門鈴。睇佢咁緊張,就知道文仔今次非常認真!
4.靚女聽到門鈴響起,便馬上衝到門口,打開門迎接愛郎。雖然見唔到靚女個樣,但從畫面所見,佢嘅身材都幾正斗(口架)。
5.點知打開門後,卻畀靚女嘅「尊容」嚇咗一跳!事關佢成面生滿鬍鬚,濃密程度仲犀利過好多男人!
6.以為文仔會畀鬍鬚女濃密嘅鬍鬚嚇親,點知佢不但唔介意,仲猛咁讚對方對腳好靚,莫非佢有戀足癖嘅?