四字詞「及時行樂」基本上係美國人嘅人生態度，尤其是後生一代，有得玩幾大都玩盡佢，難怪一般嘅派對只要舉辦多過一次甚或主題太類似，蒲友們就會自動消失，穿州過省轉戰其他更好玩派對。而出奇地，今次呢個位於邁亞密人造沙灘嘅「Relax Monday」派對，可以話毫無主題，但居然能夠吸引過千位「職業」蒲友參加，真係令人費解！

公然(o依)挹

莫非班玩家經已睇化晒，只要有得玩就乜都冇所謂，總之有得Happy就參加？大會發言人George就解釋：「假如你並非於美國土生土長，根本就好難明白本地人嘅玩樂文化，佢哋需要嘅係刺激，一種無拘無束嘅玩樂態度，無視一切枷鎖，甚至道德觀念嘅派對！」George講咗大堆廢話，原來都係想解釋呢個係一個無分年齡、性別、國籍，而最重要係講求自由嘅派對。

究竟一個無道德可言嘅派對係點樣玩嘅呢？咪又係同一個「性」字有關。雖則話同性戀甚至雙性戀，喺美國早已見慣不怪，但公然浮晒上面「(o依)挹」，唔係同志大遊行嗰日都幾難成事。大膽啲嘅會選擇喺「基吧」癲番晚，而今次呢個派對，就歡迎任何性取向嘅男女，公然喺場內接吻、愛撫，連意淫嘅動作都可以喺眾目睽睽之下上演，不過埋身肉搏都仲會閂埋門搞掂！

尋找高潮

照咁講，呢個所謂「無道德」派對，吸引對象即係有不同性取向嘅蒲友啦，似乎有啲取巧噃？不過George就解釋：「當初確實有諗過同性、雙性派對，但若然咁做，似乎又規範咗參加者嘅參加機會。再者，派對並非鼓勵及誘導同性雙性戀，只係話畀大家知，你想點就點！」George仲話，其實有好多人心底裏都唔係好清楚自己嘅性取向，甚至明明鍾意玩混戰，但因為世俗眼光加上未遇到合適對手，所以始終未能成事！

一位自稱性慾旺盛嘅蒲后Mary，坦白承認單打獨鬥嘅性愛已經得唔到滿足，所以好希望玩兩王一后，滿足一下自己嘅性需要。Mary話：「我拍過不下數十次拖，幾乎任何國籍嘅人都有，每次都有性關係，奈何冇一個男友可以滿足到我。起初我以為係我性冷感，但一次醉酒後同姊妹及其男友大被同眠後，我終於知道自己追求嘅性愛係點，事後感覺好滿足，更令我回味良久！」哦，唔怪得阿妹仆到嚟啦，原來目的係希望食到一個以上嘅猛男！

即時開波

原來蒲友一早已將道德拋諸腦後，因此入場後，話咁快就進入狀態，各自尋找合眼緣嘅對手。雖則大會禁止一切公然性行為，但只要其中一位有訂房，就可以返酒店即時開波。當日一早就入場玩嘅蒲精Edward就表示，最希望挑戰自己嘅性能力及魅力，睇吓喺最短時間內，可以食到幾多條女，就算同其他男女分享都冇所謂！

Edward話：「人生最開心莫過於同唔同嘅女人上床，既然大家都清楚遊戲規則，咁就易搞得多啦！未參加前我幻想，可以同一時間食六個大波尤物，希望最終可以夢想成真啦！」哈，咁都講得出，唔怪得咁多人湧住嚟參加啦！